Kona í sumarfríi
Já Gunnþóra, ég ætti að geta bloggað e-ð í sumarfríinu. Liggur við að það sé meira að gera í sumarfríi en skólanum. Er búin að fá eina einkunn, 9 í Neytendafræði og umhverfisvernd. Ég var líka að skrá mig í fögin fyrir næsta ár og fer m.a. í táknmál. Loksins fékk ég e-ð sem mig langaði í. Veit samt ekki hvernig fyrirkomulagið verður svona í fjarnámi... skil það ekki alveg.
Ég horfði á fréttir í gær, sjaldan að maður hefur tíma til þess. En ekkert um það að segja nema veðurfréttir. Það á að fara hlýnandi á fimmtudaginn og gæti meira að segja farið upp í 10 stig fyrir norðan!! Það þóttu góðar fréttir, sem segir ýmislegt um kuldann sem hefur verið hér upp á síðkastið. Brrrr. En það styttist í sólina.
Jæja, ætla að finna dýrin fyrir Hrafn Elísberg svo hann geti dundað við bóndagarðinn.